Langøy Kystgard

Langøy Kystgard er ein gamal handelsstad på Langøy heilt vest i Øygarden kommune, om 40 minutt med bil frå Bergen. Kystgarden består av tre bygg i eit tun i sjøkanten, der Bakarloftet og Gamlanaustet blir leigde ut til selskap og arrangement. Bakarloftet har dekkeplass til opptil 30 personar, medan Gamlanaustet frå 1876 kan dekkast til opptil 70 personar. Garden blir driven av Christina, som er etterkommar av slekta som bygde gardstunet frå 1870-talet.